სილამაზის საერთაშორისო საქველმოქმედო კონკურსის Miss Union Baku-2016-ის გამარჯვებული ქართველი მონაწილე მაია ამაშუკელი გახდა. როგორც მან განაცხადა, მთელ სახსრებს ონკოლოგიურ დაავადებებთან დაკავშირებული პრობლემების აღმოფხვრას მოახმარს, იუწყება „Sputnik-აზერბაიჯანი“.
პროექტის გენერალურმა დირექტორმა გულნარა მუჰამედოვამ „სპუტნიკს“ განუცხადა:
„ყველაზე მნიშვნელოვანი ისაა, რომ დსთ-ისა და ბალტიისპირეთის ქვეყნების მონაწილეები ბაქოში საკუთარი ხარჯებით ჩამოფრინდნენ არა სანუკვარი გვირგვინის მისაღებად, არამედ პრიზის მოსაგებად, რომელსაც ონკოდაავადებულების სამკურნალოდ დახარჯავენ“.
ფინალის კონკურსში მონაწილეობდნენ ბელორუსის, საქართველოს, ყაზახეთის, ყირგიზეთის, ლატვიის, ლიტვის, მოლდოვის, რუსეთის, ტაჯიკეთის, თურქმენეთის, უზბეკეთის, უკრაინის, ესტონეთისა და ასევე მასპინძელი აზერბაიჯანის წარმომადგენლები.
საფინალო საღამოზე კონკურსანტებმა წარმოადგინეს შოუ-პროგრამა, ინტელექტუალური კონკურსი და თემატური დეფილე.
კონკურსის დასრულების შემდეგ ყველა მონაწილეს გადაეცა დიპლომი და საჩუქარი.
პირველ სამეულში კი შევიდნენ აზერბაიჯანის, საქართველოსა და რუსეთის წარმომადგენლები.
აღელვებულმა მაია ამაშუკელმა Sputnik-ს განუცხადა, რომ ასეთ შედეგს არ ელოდა.
„აქ შეკრებილი გოგონებიდან ყველა იმსახურებდა გამარჯვებას. აზერბაიჯანში ჩვენ კეთილმა გულებმა ჩამოგვიყვანა“, — აღნიშნა გამარჯვებულმა.
