თბილისი, 16 აგვისტო — Sputnik. ირანი რუსეთს სირიაში ტერორიზმთან საბრძოლველად თავის ინფრასტრუქტურას დაუთმობს, განაცხადა ირანის ეროვნული უშიშროების უმაღლესი საბჭოს მდივანმა ალი შამჰანიმ, იუწყება საინფორმაციო სააგენტო „რია ნოვოსტი“ სააგენტო ИРНА-ზე დაყრდნობით.
სააგენტო ИРНА-სთან ექსკლუზიურ ინტერვიუში შამჰანიმ სირიაში ტერორიზმთან ბრძოლაში მოსკოვისა და თეირანის სტრატეგიული პარტნიორობის შესახებ ისაუბრა.
სამშაბათს რუსეთის თავდაცვის სამინისტრომ განაცხადა, რომ რუსულმა ბომბდამშენებმა Ту-22М3-მა და Су-34-მა სირიის სამ პროვინციაში „ისლამური სახელმწიფოსა“ და „ჯებჰატ ან-ნუსრის“ ობიექტებს ირანის აეროდრომიდან გაფრენის შემდეგ დაარტყეს.
