ძლიერი წვიმის შედეგად ბათუმი დაიტბორა

თბილისი, 14 აგვისტო – Sputnik. სანიაღვრე სისტემის მოუწესრიგებლობის გამო ბათუმში ძლიერმა წვიმამ სახლების პირველი სართულები დატბორა, იუწყება ტელეკომპანია „რუსთავი2“. 

ტელეკომპანიის ინფორმაციით, კოკისპირულმა წვიმამ და შტორმმა ქალაქის მოსახლეობასა და დამსვენებლებს პრობლემები შეუქმნა.

წვიმისგან დაზარალებულები სახლების დატბორვაში ხელისუფლებას ადანაშაულებენ.

„ეს ხდება ყოველ წელიწადს. სანიაღვრე არხებია გასამართი. უკვე მიჩვეული ვართ აქაური მაცხოვრებლები“,– – განაცხადა ბათუმის მკვიდრმა ნინო ცხადაძემ.