ლისისა და კუს ტბის სანაპიროები ხალხით არის სავსე — ბუნებაში დასვენება სიამოვნების მომგვრელია. იხილეთ ვიდეო და გაიგეთ, თუ სად და როგორ ცდილობენ თბილისელები და ქალაქის სტუმრები, თავი დააღწიონ აგვისტოს ხვატს.
აგვისტო ზაფხულის ყველაზე ცხელი თვეა. ისინი, ვინც ვერ მოახერხა ქალაქიდან გასვლა, ზაფხულის ცხელ დღეებში გასაგრილებლად ალტერნატიულ გზებს მიმართავენ. საბედნიეროდ, თბილისში ასეთი არაერთი ადგილია.
ლისისა და კუს ტბა თბილისელთა ერთ-ერთი საყვარელი ადგილია. აქ ყოველთვის ხალხმრავლობაა, ინფრასტრუქტურა კეთილმოწყობილია, ცალკეა გამოყოფილი საცურაო ზონა. ველოსიპედით სეირნობის მოყვარულთ შეუძლიათ იქირაონ ველოსიპედი, ტბის ირგვლივ გაისეირნონ და დატკბნენ სილამაზით. ასევე შესაძლებელია კატამარანით ტბაზე გასეირნებაც.
თუმცა, კატამარანით გასეირნების მოყვარულები ძირითადად კუს ტბაზე ადიან, სადაც საცურაოდ ნაკლებად დადიან, სამაგიეროდ აქ ბევრი ატრაქციონი, კაფე, რესტორანი და სპორტული მოედანი ფუნქციონირებს.
