თბილისი, 10 აგვისტო— Sputnik. ინდივიდუალური შეჯიბრებების 1/32 ფინალში მშვილდოსანმა იულია ლობჟანიძემ მექსიკელ ალეხანდრა ვალენსიასთან ანგარიშით 4:6 წააგო და როი-დე-ჟანეიროს თამაშებზე გამოსვლები დაასრულა.
აღსანიშნავია, რომ შეხვედრის პირველი ორი სეტი ქართველი სპორტსმენის სასარგებლოდ დასრულდა (28:25, 28:27). თუმცა, დარჩენილი სამი პარტიის დროს ვალენსიამ ძალები მოიკრიბა და მოიგო 27:26, 28:27, 29:27.
ცოტა ხნით ადრე ამავე სტადიაზე ქართველმა სპორტსმენმა ხათუნა ნარიმანიძემაც წააგო.
ამგვარად, რიოს თამაშებზე სპორტის ამ სახეობაში საქართველოს უკანასკნელი წარმომადგენელი ქრისტინა ესებუა დარჩა. 1/32 ფინალის შეხვედრას ის ინდოელი დიპიკა კუმარის წინააღმდეგ ჩაატარებს. შეხვედრა თბილისის დროით ღამის 00:00 დაიწყება.
