თბილისი, 9 აგვისტო — Sputnik. რიოს ოლიმპიურ თამაშებზე ძიუდოისტმა ავთანდილ ჭრიკიშვილმა პირველი ორთაბრძოლა კუბელ ივან ფელიპე სილვა მორალესთან წარმატებით დაასრულა და მერვედფინალში გავიდა.
ქართველმა სპორტსმენმა მეტოქე იუკოთი დაამარცხა.
ავთანდილ ჭრიკიშვილი თავის — 81 კილოგრამამდე წონით კატეგორიაში მსოფლიო რეიტინგის ლიდერია. ბოლო ოთხი წლის განმავლობაში მის ანგარიშზე ევროპის ჩემპიონატებზე 7 გამარჯვებაა (სამი ინდივიდუალური და ოთხი გუნდური).
მერვედფინალში ჭრიკიშვილი სალვადორელ ხუან დიეგო ტურკიოსს დაუპირისპირდება.
