თბილისი, 21 ივლისი — Sputnik. საქართველოს და საბჭოთა კავშირის სახალხო არტისტს ნანი ბრეგვაძეს, იუბილე რუსეთის ფედერაციის პრეზიდენტმა ვლადიმერ პუტინმა მიულოცა.
"საქართველოსა და რუსეთშიც თქვენ გიცნობენ და უყვარხართ თქვენი თვითმყოფადი ნიჭის, გულწრფელობისა და მომხიბვლელობის, საუცხოო სიმღერების გამო, რომლითაც უხვად ასაჩუქრებთ თქვენს მსმენელებს", — ციტირებს რუსეთის პრეზიდენტის გზავნილს კულტურულ საგანმანათლებლო ცენტრი "რუსსკი კლუბი".
პუტინმა მომღერალს ჯანმრთელობა, კეთილდღეობა, შემოქმედებითი აღმაფრენა და ყველაფერი საუკეთესო უსურვა.
