თბილისი, 16 ივლისი — Sputnik. სახელმწიფო გადატრიალების მცდელობის შედეგად, დაღუპულია, სულ მცირე, 42 ადამიანი, ნათქვამია ანკარის პროკურატურის განცხადებაში.
ამბოხებულთა ავიადარტყმების ქვეშ მოყვა თურქეთის პარლამენტი, Türksat-ის შენობა, პოლიციის აკადემია გიობაშის რაიონში. დაღუპულთა შორის არიან როგორც სამოქალაქო, ისე სამხედრო პირები.
თურქეთის პრემიერ-მინისტრმა ბინალი ილდირიმმა განაცხადა, რომ მიიღო ცნობა გადატრიალების მომწყობი ერთ-ერთი გენერლის დაღუპვის თაობაზე, იუწყება РИА Новости სააგენტო „როიტერზე“ დაყრდნობით.
პრემიერის თქმით, ანკარაში უკვე დაკავებულია ამბოხებაში მონაწილე 130-მდე ადამიანი.
ამასთან, ვრცელდება ინფორმაცია, რომ დაკავებულები არიან სტამბოლშიც — 600 კაცი.
მანამდე პრეზიდენტმა ერდოღანმა განაცხადა, რომ გაწმენდს არმიას მოღალატეებისგან. ის მოსახლეობას დაპირდა, რომ შეიარაღებულ ძალებში ბევრს დააპატიმრებდა, მათ შორის, უმაღლესი თანამდებობის პირებს.
