ბავშვები ყველგან იკარგებიან — ხან შემთხვევით, ხან კი ბოროტგანმზრახველთა მცდელობით. ასე რომ, ამერიკული პოლიციის რჩევა, ვფიქრობთ, ყველას გამოგვადგება.
ზაფხულის დადგომასთან ერთად იმატა ღია ცის ქვეშ გამართულმა ხალხმრავალმა საზეიმო ღონისძიებებმა, რომლებსაც მოზრდილებთან ერთად პატარებიც ესწრებიან ხოლმე. ასეთ დროს, როდესაც ირგვლივ საყოველთაო ჟრიამული და მხიარულება სუფევს, გამორიცხული არ არის მცირეწლოვანი ბავშვი მშობელს მოწყდეს და დაიკარგოს.
კარგი იქნება, თუ უფროსები გასართობ პარკებსა თუ სხვა ხალხმრავალ ადგილებში წასვლამდე სიფრთხილეს გამოიჩენენ და გაითვალისწინებენ რჩევას, რომელიც კალიფორნიის პოლიციამ ცოტა ხნის წინ შესთავაზა მშობლებს.
მართალია, საქართველო ბევრად პატარაა, ვიდრე აშშ-ის თუნდაც ერთი რომელიმე შტატი, მაგრამ ბავშვები ყველგან იკარგებიან — ხან შემთხვევით, ხან კი ბოროტგანმზრახველთა მცდელობით. ასე რომ, ამერიკული პოლიციის რჩევა, ვფიქრობთ, ყველას გამოგვადგება.
დაიმახსოვრეთ და გაითვალისწინეთ:
• სასეირნოდ წასვლის წინ დააწერეთ პატარას ხელზე თქვენი ტელეფონის ნომერი და ზემოდან გამჭვირვალე, თხევადი პლასტირი წაუსვით, ან ე.წ. სკოჩი გადააკარით. პლასტირი ნაწერს წაშლისგან დაიცავს და მპოვნელი უპრობლემოდ დაგირეკავთ მისი ადგილსამყოფელის შესატყობინებლად.
• გარდა ამისა, უკვე წასასვლელად გამზადებულს გადაუღეთ ფოტო — მთელი სიმაღლით, ახლო ხედით, რათა პატარის სახე და ჩაცმულობა კარგად ჩანდეს. ამ ფოტოს მეშვეობით ბავშვს, თუ მას ვინმე სადმე შენიშნავს, იოლად ამოიცნობენ, რაც მის პოვნას გააიოლებს.
