თბილისი, 6 ივლისი — Sputnik. თვითმფრინავი, რომლის ბორტზეც მაღალი რანგის სამხედრო პირები თავიანთ ოჯახებთან ერთად იყვნენ, თურქეთში კატასტროფა განიცადა, იუწყება „Sputnik თურქეთი".
კატასტროფა გირესუნის პროვინციაში მოხდა. თვითმფრინავის ბორტზე 15 ადამიანი იმყოფებოდა, მათ შორის რვა სამხედრო მოსამსახურე, მათი მეუღლეები და სამი ბავშვი. ოფიცრებს შორის გირესუნის პროვინციის ჟანდარმერიის უფროსი, გენერალი მუსტაფა დორგა იყო. დელეგაცია იმ სამხედროების ოჯახების მოსანახულებლად მიემგზავრებოდა, რომლებიც ქვეყნის სამხრეთ-აღმოსავლეთ ნაწილში მიმდინარე ოპერაციებში დაიღუპნენ.
„თვითმფრინავი ამინდის გაუარესებისა და ცუდი ხილვადობის გამო ჩამოვარდა, ტერაქტზე საუბარი არ მიდის. თვითმფრინავმა გირესუნიდან 40 კმ-ზე კატასტროფა განიცადა. არიან გარდაცვლილები და დაჭრილები. მათი რიცხვი დგინდება“, — განაცხადა თურქეთის პრემიერ-მინისტრმა ბინალი ილდირიმმა ჟურნალისტებთან საუბრისას.
#Giresun 'da düşen helikopter ile ilgili olay yerinden ilk görüntüler pic.twitter.com/OgU0IuneiC
— Mustafa Yeşiltepe (@mytepe) 5 июля 2016 г.
ბოლო მონაცემებით, გარდაცვლილია ექვსი ადამიანი, შვიდი კი მძიმედ დაშავდა. დაღუპულთა შორის ორი ქალი და ორი ბავშვია.
კატასტროფის ადგილას სამაშველო ბრიგადებია მობილიზებული.
