ბერლინში ათასობით გერმანელი გულშემატკივარი ზეიმობდა გერმანიის ნაკრების იტალიის გუნდთან გამარჯვებას, რომელიც პენალტების სერიამ განსაზღვრა. სწორედ ამ გამარჯვებამ მისცა გერმანიის ნაკრებს შანსი ევრო 2016-ის ფინალში გასულიყო.
ევრო 2016-ის ¼ ფინალურ მატჩში გამარჯვებას გერმანელი გულშემატკივრები ბრანდენბურგის კარებთან სიმღერითა და ცეკვით აღნიშნავდნენ.
გერმანელებმა პირველად ისტორიაში მოახერხეს ოფიციალურ მატჩში იტალიელებზე გამარჯვება და ტურნირის ნახევარფინალში გასვლა.
3 ივლისს ევრო 2016-ის ბოლო მეოთხედფინალი გაიმართება და ერთმანეთს ისლანდიისა და საფრანგეთის გუნდები შეხვდებიან, რომლის დასრულების შემდეგაც გაირკვევა გერმანიის ნაკრების მოწინააღმდეგის ვინაობა.
ევრო-2016 საფრანგეთში 10 ივნისს დაიწყო და 10 ივლისს დასრულდება. საერთო ჯამში ჩემპიონატში 24 ევროპული ეროვნული ნაკრები გუნდი მონაწილეობს.
