თბილისი, 30 ივნისი– Sputnik. სამხედრო სამეცნიერო-ტექნიკურმა ცენტრმა „დელტამ“ თელავის რაიონში 300 კვ/მ ფართობის მქონე სეტყვასაშიში ღრუბელი გაანეიტრალა.
„ნალექის მასის თელავის რაიონში შემოსვლის დროს სეტყვის მოსვლის ალბათობამ 80 % ს მიაღწია, მოსალოდნელი სეტყვის მარცვლების სავარაუდო ზომა 25 მმ იყო. 6:51 საათიდან 8:15 საათამდე ღრუბელი სეტყვასაწინააღმდეგო რაკეტებით ეტაპობრივად დამუშავდა”, — ნათქვამია სამეცნიერო-ტექნიკური ცენტრის მიერ გავრცელებულ განცხადებაში.
სეტყვასაწინააღმდეგო სისტემა კახეთში 2015 წელს დაიდგა.
აღნიშნულ სისტემას შეუძლია სეტყვის ღრუბლების დაფიქსირება და საწყის ეტაპზე მათი გაკონტროლება. კახეთის რეგიონის ყველა რაიონში საცეცხლე წერტილია განლაგებული.
