თბილისი, 29 ივნისი — Sputnik. ბერლინში წუხელ გერმანიაში საქართველოს საელჩოს ავტომობილი დაიწვა. პოლიცია განზრახ დაწვის ვერსიას ამოწმებს.
თბილისის დროით დაახლოებით 04:35 საათზე საგანგებო სამსახურის ტელეფონზე შემთხვევით გამვლელმა დარეკა და განაცხადა, რომ გარგენშტრასეს ქუჩაზე Mercedes Benz Vito-ს მარკის ავტომობილი იწვოდა. ავტომობილი დიმპლომატიური ნომრებით საქართველოს საელჩოს ეკუთვნის. მანქანა ძლიერ დაიწვა, სხვა ავტომანქანები არ დაშავებულა, იუწყება დედაქალაქის პოლიციის პრეს-სამსახური.
მეორე ავტომობილს — Renault-ს, რომელიც საფრანგეთის საელჩოს ეკუთვნოდა, პირველი შემთხვევიდან ნახევარ საათში შენებერგის რაიონში გაუჩნდა ცეცხლი. მეხანძრეებმა ხანძარი მალევე ჩააქრეს. დაზიანდა ასევე ახლოს მდგარი Mercedes-ის მარკის ავტომობილი.
პოლიცია არკვევს, არის თუ არა ამ ორ შემთხვევას შორის კავშირი.
დამნაშავეებს ეძებენ, სხვა დეტალები ცნობილი არ არის.
