თბილისი, 16 ივნისი – Sputnik. ფეხბურთში ევროპის ჩემპიონატის ჯგუფური ეტაპის მეორე ტურის მატჩში საფრანგეთში უკრაინის ნაკრებმა ჩრდილოეთ ირლანდიის გუნდთან წააგო.
ლიონში გამართული С ჯგუფის შეხვედრა ჩრდილოეთ ირლანდიელების გამარჯვებით, ანგარიშით 2:0 დასრულდა. ნაკრებს გამარჯვება გარეტ მაკოლისა (49–ე წთ) და ნაიალ მაკგინის (დამატებითი დრო, 96–ე წთ) გოლებმა მოუტანა.
მატჩი 57–ე წუთზე, ძლიერი სეტყვის გამო, 2 წუთით შეჩერდა.
ჩრდილოეთ ირლანდიელებმა 3 ქულა დააგროვეს, უკრაინელებს კი ორი მატჩის შემდეგ არცერთი ქულა არა აქვთ. 21 ივნისს უკრაინა პოლონეთის გუნდს შეხვდება, ხოლო ჩრდილოეთ ირლანდია – გერმანიის ნაკრებს.
