ულამაზესი სვანეთი დასავლეთ საქართველოში მდებარეობს. Sputnik-ი სვანეთის ენითაღუწერელი ბუნების სილამაზით ტკბობის საშუალებას გაძლევთ.
სვანეთი — დასავლეთ საქართველოს ისტორიულ-გეოგრაფიული მხარეა, რომელიც ძირითადად სვანებითაა დასახლებული. სვანეთი ორ ნაწილად — ზემო და ქვემო სვანეთად იყოფა. ზემო სვანეთი თავისი სვანური კოშკებითა და ულამაზესი მესტიითა და უშგულით, იუნესკოს მსოფლიო კულტურული მემკვიდრეობის ძეგლების სიაშია შესული.
სვანეთი მდებარეობს კავკასიონის მთავარი ქედის სამხრეთ ფერდობზე, მდინარეების — ცხენისწყლისა და ენგურის ხეობების ორმაგ ქვაბულში, რომელსაც ჩრდილოეთიდან და აღმოსავლეთიდან ესაზღვრება კავკასიონის მთავარი ქედი შხარას, უშბას, თეთნულდისა და სხვა მწვერვალებით, რომელზეც საქართველო-რუსეთის საზღვარი გადის. დღეს სვანეთს ათასობით ტურისტი სტუმრობს, რათა დატკბეს ამ მთაგორიანი ადგილის ველური და პირველყოფილი ბუნებრივი სილამაზით.
