თბილისი, 9 ივნისი — Sputnik. თბილისელმა ლევან ბ.-მ სიტყვიერი შელაპარაკებისას დანით დაჭრა ნაცნობი იგორ ნ. და ამის შემდეგ მიმალვა სცადა, თუმცა პოლიციამ რამდენიმე წუთში დააკავა.
„ალკოჰოლის ზემოქმედების ქვეშ მყოფმა ბრალდებულმა თბილისში, ისანი-სამგორის რაიონში, ქინძმარაულის ქუჩაზე ურთიერთშელაპარაკებისას ნაცნობს — 1972 წელს დაბადებულ იგორ ნ.-ს სხეულზე ცივი იარაღით მრავლობითი ჭრილობა მიაყენა და მიიმალა“, — ნათქვამია შსს–ს პრეს-სამსახურის განცხადებაში.
დაჭრილი ადგილზე გარდაიცვალა.
სისხლის სამართლის საქმე აღძრულია „განზრახ მკვლელობის“ მუხლით, რაც 7-დან 15 წლამდე თავისუფლების აღკვეთას ითვალისწინებს.
