ქართველი კადეტი აშშ-ის პრეზიდენტმა დააჯილდოვა

© AP Photoბარაკ ობამა
ბარაკ ობამა -
812 კურსდამთავრებულის გამოსაშვები ცერემონიალი კოლორადოს შტატში, ქალაქ კოლორადო სფრინგსის საჰაერო ძალების სტადიონზე გაიმართა.

თბილისი, 4 ივნისი — Sputnik.  ქართველმა კადეტმა, რიგითმა სანდრო გულუამ აშშ-ის საჰაერო ძალების აკადემია დაამთავრა. 812 კურსდამთავრებულის გამოსაშვები ცერემონიალი კოლორადოს შტატში, ქალაქ კოლორადო სფრინგსის საჰაერო ძალების სტადიონზე გაიმართა, ინფორმაციას საქართველოს თავდაცვის სამინისტრო ავრცელებს.

ღონისძიებას  აშშ-ის პრეზიდენტი ბარაკ ობამა დაესწრო. მან ახალგაზრდა სამხედრო მფრინავებს დიპლომები გადასცა და წარმატებული კარიერა უსურვა.  

© საქართველოს თავდაცვის სამინისტროქართველი კადეტი აშშ-ის პრეზიდენტმა დააჯილდოვა
ქართველი კადეტი აშშ-ის პრეზიდენტმა დააჯილდოვა -
ქართველი კადეტი აშშ-ის პრეზიდენტმა დააჯილდოვა

„როდესაც ინვესტიციას ვდებთ განათლებასა და შესაძლებლობების განვითარებაში მსოფლიოს მასშტაბით, კონფლიქტები და სამხედრო ინტერვენცია სულ უფრო ნაკლებად საჭირო ხდება“, — განაცხადა ბარაკ ობამამ კურსდამთავრებულებისადმი მიმართვისას.

დაჯილდოების ცერემონიალს საქართველოს სამხედრო ატაშე აშშ-ში, პოლკოვნიკი ვეფხვია ჩალაბაშვილი დაესწრო. რიგითი სანდრო გულუა დავით აღმაშენებლის სახელობის საქართველოს ეროვნულ თავდაცვის აკადემიაში 2012 წელს ჩაირიცხა. შესაბამისი კონკურსის გავლის შემდეგ, იმავე წელს, აშშ-ის საჰაერო ძალების სამხედრო აკადემიაში გააგრძელა სწავლა. სანდრო გულუა საქართველოში 18 ივნისს დაბრუნდება და საქართველოს შეიარაღებულ ძალებში  პროფესიული მოვალეობის შესრულებას შეუდგება.  


0