თბილისი, 23 მაისი — Sputnik. საქართველოს მოქალაქეები — ლეილა თავწკრიალაშვილი და ლევან ხმიადაშვილი საბერძნეთში ავტოსაგზაო და უბედური შემთხვევის შედეგად დაიღუპნენ, იუწყება ქართული საინფორმაციო-ანალიტიკური პორტალი kvira.ge.
ლეილა თავწკრიალაშვილი ავტოსაგზაო შემთხვევას შეეწირა — ათენში მას მოტოციკლი დაეჯახა. ის საავადმყოფოში გადაიყვანეს, თუმცა ექიმებმა მისი გადარჩენა ვერ შეძლეს.
რაც შეეხება ლევან ხმიადაშვილს, რომელიც ერთ-ერთი ქართული ტურისტული კომპანიის თანამშრომელი იყო, ის საბერძნეთის ერთ-ერთ კუნძულზე, პორტალის ინფორმაციით, უბედური შემთხვევის შედეგად დაიღუპა. დეტალები უცნობია.
საქართველოს საგარეო საქმეთა სამინისტრო ამ ინფორმაციას ამოწმებს.
