თბილისი, 22 მაისი — Sputnik. რადიკალურ-ექსტრემისტულმა ორგანიზაცია „თალიბანმა“ აშშ-ის ავიაიერიშის შედეგად დაჯგუფების ლიდერის მულა ახთარ მანსურის ლიკვიდაცია დაადასტურა, იუწყება სააგენტო „რია ნოვოსტი“ სააგენტო „ასოშეიტედ პრესზე“ დაყრდნობით.
გავრცელებული ინფორმაციით, აშშ-მ ავიადარტყმები ავღანეთისა და პაკისტანის საზღვრის რაიონში შაბათს განახორციელა.
ავიადარტყმა, რომელმაც დაჯგუფების მეთაური იმსხვერპლა, შაბათს, ადგილობრივი დროით 15:00 სთ-ზე ქალაქ აჰმად-ვალში განხორციელდა. ამერიკელთა სამიზნე იყო ბოევიკების კუთვნილი ავტომობილი.
ავღანეთის პრემიერ-მინისტრმა აბდულა აბდულამ დაადასტურა დაჯგუფება „თალიბანის“ ლიდერის ლიკვიდაციის ფაქტი.
პენტაგონის წარმომადგენელმა პიტერ კუკმა აღნიშნა, რომ სპეცოპერაციის შედეგები შეფასდება და დამატებითი დეტალები მოგვიანებით გახდება ცნობილი.
