თბილისი, 19 მაისი Sputnik. ცხინვალი-ყანჩავეთის გზაზე ავტობუსი ხრამში გადაიჩეხა, რის შედეგადაც ექვსი რუსი სამხედრო დაიღუპა, 16-ზე მეტი კი დაშავდა.
რუსეთის თავდაცვის სამინისტროს პრეს-სამსახურისა და ინფორმაციის სამმართველოს მონაცემებით, ავტობუსს რუსი ოფიცრები სასწავლო-მეთოდურ შეკრებაზე გადაჰყავდა.
„საგზაო-სატრანსპორტო შემთხვევის შედეგად 6 ოფიცერი დაიღუპა, 16-მა ტრავმა მიიღო. ყველა დაშავებული სამხედრო მოსამსახურე ცხინვალის სამედიცინო დაწესებულებაში ოპერატიულად გადაიყვანეს. მათ იქ აუცილებელი დახმარება უტარდებათ“, — აღნიშნულია განცხადებაში.
რუსეთის თავდაცვის მინისტრის სერგეი შოიგუს ბრძანებით, ჩკალოვის აეროდრომიდან სამხედრო-სატრანსპორტო ავიაციის თვითმფრინავი მიფრინავს, რომლითაც მაღალი კვალიფიკაციის სამხედრო მედიკოსები გადაჰყავთ, ასევე გადააქვთ სპეციალური სამედიცინო აღჭურვილობა. დაშავებულებს სამხედრო ჰოსპიტალებში გადაიყვანენ.
უწყება აღმნიშნავს, რომ ავარიის მიზეზი ავტომობილის სამუხრუჭე სისტემის დაზიანებაა.
