მეორე მსოფლიო ომში გამარჯვების დღე ყოველწლიურად 9 მაისს აღინიშნება. იხილეთ საარქივო ვიდეოკადრები, რომელშიც ნაჩვენებია, თუ როგორ აღნიშნეს პირველი მშვიდობიანი დღე საბჭოთა კავშირსა და სხვა ქვეყნებში.
საბჭოთა კავშირში 9 მაისი ფაშისტურ გერმანიაზე გამარჯვების დღედ სსრკ-ის უმაღლესი საბჭოს პრეზიდიუმის 1945 წლის 8 მაისის ბრძანების საფუძველზე გამოცხადდა. ეს დღე „დიდ სამამულო ომში გერმანელ ფაშისტ-დამპყრობთა წინააღმდეგ საბჭოთა ხალხის ბრძოლის ძლევამოსილად დასრულების, წითელი არმიის, რომელმაც მთლიანად გაანადგურა ჰიტლერული გერმანია, გამარჯვებისა და გერმანიის უსიტყვო კაპიტულაციის“ დღედ გამოცხადდა.
1947 წლის ბოლოს გამოიცა ბრძანება, რომლის თანახმად, 9 მაისი სამუშაო დღედ გამოცხადდა და მხოლოდ 1965 წელს, გამარჯვების მე-20 წლისთავზე გამოცხადდა 9 მაისი უქმე დღედ.
მეორე მსოფლიო ომი 1939-45 წლებში მიმდინარეობდა და კაცობრიობის ისტორიაში ყველაზე მასშტაბულ შეიარაღებულ შეტაკებად იქცა.
