თბილისი,4 მაისი- Sputnik. საქართველომ, ისევე როგორც უეფას 24-მა დელეგატმა, ევროპის საფეხბურთო ასოციაციების კავშირში კოსოვოს წევრობას მხარი არ დუჭირა. ამის შესახებ ტელეკომპანია „რუსთავი2“-თან სატელეფონო საუბარში საქართველოს ფეხბურთის ფედერაციის პრეზიდენტმა ლევან კობიაშვილმა განაცხადა. მისი სიტყვებით, მოცემული გადაწყვეტილება საქართველოს საგარეო პოლიტიკიდან გამომდინარე იქნა მიღებული.
უეფა-ს კონგრესზე, რომელიც ბუდაპეშტში ჩატარდა, ორგანიზაციის შემადგენლობაში კოსოვოს მიღების სასარგებლოდ 28 დელეგატმა მისცა ხმა, 24 კი წინააღმდეგი იყო. ამრიგად, კოსოვოს ფეხბურთის ფედერაცია უეფა-ს 55-ე წევრი გახდა.
ადრე ფეხბურთის საერთაშორისო ფედერაციის (FIFA) მიერ კოსოვოს ფეხბურთის ფედერაცია ნაწილობრივ უკვე იქნა აღიარებული. ახლა შეიძლება განიხილონ საკითხი ორგანიზაციის წევრთა რიცხვში მისი ჩართვის შესახებ კონგრესზე, რომელიც მეხიკოში 12-13 მაისს ჩატარდება.
