თბილისი, 2 მაისი — Sputnik. 2016 წლის საპარლამენტო არჩევნებისთვის პოტენციურ ამომრჩეველთა რაოდენობა 3 მილიონ 530 ათასია-ამის შესახებ დღეს განცხადება იუსტიციის მინისტრმა თეა წულუკიანმა გააკეთა, — იტყობინება ტელეკომპანია "რუსთავი 2".
„საქართველოში პოტენციურ ამომრჩეველთა რიცხვია 3 მილიონ 500 ათასი ადამიანიa. ესენი არიან სრულწლოვანი პირები, რომელთაც საქართველოს მოქალაქის სამართლებრივი სტატუსით ცხოვრობენ საქართველოში, მათ შორის ოკუპირებულ ტერიტორიებზე, ან არიან საზღვარგარეთ. საქართველოში პირველად დაიგეგმა ფოტოსურათიანი საარჩევნო სია, რომელმაც ერთხელ და სამუდამოდ გამორიცხა ჩვენს ქვეყანაში ე.წ. კარუსელი, როდესაც ერთი ადამიანი მიდიოდა სხვადსხვა საბუთით და ხმას აძლევდა რამდენჯერმე,“ — ციტირებს თეა წულუკიანს ტელეკომპანია.
ამომრჩეველთა განახლებული ბაზა იუსტიციის სამინისტრომ ცენტრალურ საარჩევნო ადმინისტრაციას უკვე გადაუგზავნა.
