თბილისი, 30 აპრილი — Sputnik. საქართველოს პარლამენტის ბიურომ დაარეგისტრირა კანონპროექტი, რომელიც მეცნიერებათა ეროვნული აკადემიის პრეზიდენტად და ვიცე–პრეზიდენტად 70 წელს გადაცილებული პირების არჩევას კრძალავს.
კანონპროექტი „ქართული ოცნების“ დეპუტატ ივანე კიღურაძეს ეკუთვნის.
საკითხზე საკომიტეტო და პლენარული მოსმენები მაისშია დანიშნული, ნათქვამია პარლამენტის ვებგვერდზე.
გარდა ამისა, ივანე კიღურაძემ წამოაყენა წინადადება, შეიცვალოს სახელწოდება „აკადემიური საბჭო“ და ეწოდოს მას „აკადემიის პრეზიდიუმი“, რომელშიც შევლენ: პრეზიდენტი, ვიცე–პრეზიდენტი, მდივანი–აკადემიკოსი და აკადემიის სხვა წევრები.
დეპუტატი ითხოვს, რომ აკადემიის მართვა განათლებისა და მეცნიერების სამინისტროსგან პირდაპირ მთავრობის ხელში გადავიდეს.
