თბილისი, 28 აპრილი — Sputnik. წვიმიანი ამინდი საქართველოში 2 მაისამდე შენარჩუნდება, აღნიშნულია გარემოს დაცვის სააგენტო ვებგვერდზე გამოქვეყნებულ განცხადებაში.
28-30 აპრილის პერიოდში დასავლეთ საქართველოს ზოგიერთ რაიონსა და აღმოსავლეთის უმეტეს რაიონებში მოსალოდნელია ხანმოკლე წვიმა ელჭექით. ძლიერი წვიმა იქნება აღმოსავლეთ საქართველოში 29 აპრილს. ამასთან, ქარის სიჩქარე წამში 17-22 მეტრს მიაღწევს.
აღდგომის ღამეს აღმოსავლეთ საქართველოში წვიმიანი ამინდი შენარჩუნდება, ხოლო დღისით გამოიდარებს. ჰაერი 17-22 გრადუსამდე დათბება.
