თბილისი, 23 აპრილი — Sputnik. კასპიის ზღვაში ტანკერზე გაჩენილი ხანძრის შედეგად ერთი ადამიანი დაიღუპა. ის რუსეთის მოქალაქე აღმოჩნდა, იუწყება საინფორმაციო სააგენტო „რია ნოვოსტი“ საგანგებო სამსახურის ანონიმურ წყაროზე დაყრდნობით.
რუსულ ტანკერზე ხანძარი შაბათს გაჩნდა. აზერბაიჯანის საგანგებო სიტუაციების სამსახურმა მანამდე განაცხადა, რომ ტანკერს ცეცხლი კასპიის სანაპიროდან 110 კილომეტრში გაუჩნდა, ხანძრის ჩასაქრობად მოილიზებულია ვერტმფრენები და საგანგებო სიტუაციების სამინისტროს გემები.
„დაზუსტებული ინფორმაციით, ეკიპაჟის შემადგენლობაში ყველა რუსეთის მოქალაქე იყო. დაღუპული ტანკერის მექანიკოსია“, — განუცხადა სააგენტოს თანამოსაუბრემ.
მისი თქმით, ათი ადამიანი გადარჩენილია. მათი მდგომარეობა დამაკმაყოფილებელია.
