თბილისი, 3 აპრილი — Sputnik. ორი აფეთქება მოხდა კვირა დილას საფრანგეთის სამხრეთ-დასავლეთში, ქალაქ ბორდოს მახლობლად, საშიში ტვირთების სატრანსპორტო საწარმოში, იტყობინება საინფორმაციო სააგენტო РИА Новости რადიოსადგურ France Inf- ზე დაყრდნობით.
„თავიდან აალდა სატვირთო ავტომანქანა, რის შემდეგაც იგი აფეთქდა, რამაც ჯაჭვური რეაქცია გამოიწვია“, განაცხადა კომუნა ბასენსის (Bassens) მერმა ჟან პოლ ტურონმა (Jean-Paul Turon).
რადიოსადგურის მონაცემებით აფეთქება 6:60 საათზე მოხდა კომპანია CD Trans-ის შენობაში, რომელიც საშიში ტვირთების გადაზიდვითა და ლოგისტიკით არის დაკავებული. ამ დროისათვის არკვევენ რა გახდა აფეთქების მიზეზი. აფეთქების ადგილზე სახანძრო სამსახურები მუშაობენ. საწარმოს ტერიტორიიდან ევაკუირებულია პერსონალი.
ფარანგული ტელეარხის BFMTV-ს ინფორმაციით, აფეთქების შემდეგ საწარმოში აალება მოხდა, რომლის ჩაქრობის დროსაც ორმა მეხანძრემ დამწვრობა მიიღო.
კომუნაში 7ათასი ადამიანი ცხოვრობს. სამრეწველო ზონას კომუნის ტერიტორიის 60% უჭირავს.