თბილისი, 29 მარტი — Sputnik. კონტრტერორისტული საქმიანობის ფარგლებში საქართველოს სახელმწიფო უსაფრთხოების სამსახურმა (სუს-ი) 2015 წლის აგვისტოდან 31 დეკემბრამდე პერიოდში ქვეყანაში შემოსვლა 1014 უცხოელს აუკრძალა, აღნიშნულია უწყების ანგარიშში.
საქართველოს სპეცსამსახურები, მსოფლიოში გახშირებული ტერორისტული შეტევების გამო, გაძლიერებულ რეჟიმში მუშაობენ.
„სუს-მა, შინაგან საქმეთა სამინისტროსთან ერთად, აღნიშნულ პერიოდში სასაზღვრო კონტროლზე 1268 ადამიანი აიყვანა, ხოლო 1014-ს საქართველოში შემოსვლა აუკრძალა“, — აღნიშნულია ანგარიშში.
ბრიუსელის ტერაქტების შემდეგ საქართველოში გაძლიერდა უსაფრთხოების ზომები სტრატეგიულად მნიშვნელოვან ობიექტებზე, ასევე გამკაცრდა კონტროლი საზღვრებსა და აეროპორტებში.
