თბილისი, 29 მარტი — Sputnik. თურქეთის ეროვნულმა ავიაგადამზიდავმა Turkish Airlines ბრიუსელზე რეისები 1 აპრილამდე გადადო.
„ბრიუსელის აეროპორტში ტერქტების გამო, კომპანიამ გააუქმა ფრენები ამ ქალაქში 1 აპრილის ჩათვლით“, — ნათქვამია კომპანია Turkish Airlines-ის ოფიციალურ ვებ-გვერდზე განთავსებულ ინფორმაციაში.
ბრიუსელის საერთაშორისო აეროპორტში 22 მარტს ორი აფეთქება მოხდა. მესამე აფეთქება მოგვიანებით მეტროსადგურ "მალბეკში" მოხდა. ტერაქტების შედეგად, რომელიც სამმა თვითმკვლელმა-ტერორისტმა განახორციელა, დაიღუპა 35 და დაიჭრა 340 ადამიანი. მომხდარზე პასუხისმგებლობა „ისლამურმა სახელმწიფომ“ აიღო.
