თბილისი, 22 მარტი — Sputnik. ამერიკის შეერთებული შტატები მზადაა ყველა აუცილებელი დახმარება აღმოუჩინოს ბელგიას დღეს მომხდარ ტერაქტებთან დაკავშირებით, იუწყება РИА Новости აშშ-ის სახელმწიფო დეპარტამენტზე დაყრდნობით.
„აშშ ბელგიელი ხალხის გვერდშია. ჩვენ მზად ვართ შეძლებისდაგვარი დახმარება გაგიწიოთ გამოძიების პროცესში“, — ნათქვამია განცხადებაში.
დღეს, ადგილობრივი დროით დაახლოებით დილის 8 საათზე ბელგიის საერთაშორისო აეროპორტში აფეთქება მოხდა. ხელისუფლების ვარაუდით, ერთ–ერთი ასაფეთქებელი მოწყობილობა შესაძლოა თვითმკვლელმა ტერორისტმა აამოქმედა. ოდნავ მოგვიანებით აფეთქებები მოხდა ბრიუსელის მეტროს სადგურებშიც.
