თბილისი, 19 მარტი — Sputnik. სტამბულში მომხდარი აფეთქების შედეგად ორი ადამიანი დაიღუპა, შვიდი დაიჭრა, იუწყება საინფორმაციო სააგენტო „რია ნოვოსტი“ ტელეარხ NTV-ზე დაყრდნობით.
აფეთქება სავაჭრო ცენტრთან, ქვეითად მოსიარულეთა ქუჩაზე დაახლოებით 13:00 საათზე მოხდა. შემთხვევის ადგილზე მიდიან სასწრაფო დახმარების მანქანები და დაჭრილები საავადმყოფოებში გადაჰყავთ. რაიონი პოლიციის ალყაშია მოქცეული. აფეთქების მიზეზებზე ჯერჯერობით ინფორმაცია არ ვრცელდება.
