თბილისში ქართველი ფემინისტების ჯგუფმა პარლამენტის შენობის წინ ქალთა უფლებების დასაცავად აქცია გამართა. Sputnik-ის ვიდეოში იხილეთ აქციის ამსახველი კადრები.
ქართველი ფემინისტების ერთ-ერთი მთავარი მოთხოვნა, რომელიც თბილისის ცენტრში გამართულ აქციაზე გაჟღერდა, პოლიტიკაში ქალების რაოდენობის გაზრდა, კერძოდ, პარლამენტში ქალებისთვის შესაბამის კვოტის დაწესება იყო.
როგორც აქციის მონაწილეებმა Sputnik-თან განაცხადეს, მათ ორი კანონპროექტი აღნიშნულ საკითხთან დაკავშირებით უკვე მოამზადეს და საკანონმდებლო ორგანოში გადააგზავნეს, თუმცა, კანონპროექტის განხილვა ამ დრომდე ჭიანურდება.
აქციაზე მოწოდების — „მეტი ქალი საქართველოს პარლამენტში!“- გარდა, სხვადასხვა მოთხოვნების შემცველი პლაკატები იყო წარმოდგენილი.
