თბილისი, 3 მარტი — Sputnik. საქართველოში 3 მარტს დედის დღეს აღნიშნავენ და ეს დღე უქმეა.
დღესასწაულის ისტორია საქართველოს პირველ პრეზიდენტთან ზვიად გამსახურდიასთან არის დაკავშირებული, რომელმაც 1991 წელს შემოიღო ეს დღესასწაული. ახალ თარიღს უნდა ჩაენაცვლებინა მანამდე არსებული ქალთა საერთაშორისო დღის — 8 მარტის დღესასწაული, რომელიც მაშინ გამსახურდიას ინიციატივით გააუქმეს.
ედუარდ შევარდნაძის პრეზიდენტობის პერიოდში 8 მარტს დღესასწაულის სტატუსი დაუბრუნდა. ასე რომ, ამჟამად საქართველოში როგორც დედის დღე — 3 მარტს, ასევე ქალთა საერთაშორისო დღე — 8 მარტს აღინიშნება.
