თბილისი, 2 მარტი — Sputnik. საქართველოს პრეზიდენტმა გიორგი მარგველაშვილმა 155 მსჯავრდებული შეიწყალა. მათი დიდი ნაწილი დღესვე დატოვებს თავისუფლების აღკვეთის ადგილებს, განაცხადა შეწყალების კომისიის თავმჯდომარემ ზვიად ქორიძემ ბრიფინგზე.
ციხეებს 105 პატიმარი დატოვებს, აქედან 8 ქალია. დანარჩენ შეწყალებულებს, რომელთაგან ერთი არასრულწლოვანი და ერთი ქალია, სასჯელის ვადა შეუმცირდათ, ნათქვამია პრეზიდენტის ადმინისტრაციის ვებ-გვერდზე.
მარგველაშვილმა გადაწყვეტილება შეწყალების კომისიის რეკომენდაციის საფუძველზე მიიღო, რომელმაც 21-23 თებერვალს დაახლოებით 1.2 ათასი მსჯავრდებულის საქმეზე იმსჯელა.
