თბილისი, 2 მარტი — Sputnik. ხელნაკეთი სუვენირების რიგით მეორე ყოველწლიური გამოფენა–გაყიდვა, რომელიც თბილისში 6 მარტს გაიმართება, მარტის კატებს ეძღვნებათ, — აცნობეს Sputnik–ს ღონისძიების ორგანიზატორებმა.
გამოფენა–გაყიდვა სათნოების სახლ „კათარსისის“ ჰოლში გაიმართება მისამართზე: დავით აღმაშენებლის გამზირი №121.
გაყიდული ნივთებიდან მიღებული თანხის ნაწილი სათნოების სახლთან არსებულ ღარიბთა და მიუსაფარ მოხუცთა სასადილოს გადაეცემა.
გამოფენა-ბაზრობაზე სხვადასხვა ტექნოლოგიით დამზადებულ ხელნაკეთ კატებს გამოიტანენ გასაყიდად. ამას გარდა, გამოფენაზე კატის ფორმის ნამცხვარსაც იხილავთ და ნატურალურ საპონსაც.
„სტუმრებს სასიამოვნო სიურპრიზები, საუკეთესო ნაკეთობისთვის ხმის მიცემა და საზეიმო შემოქმედებითი ატმოსფერო ელით“, — განაცხადეს ღონისძიების ორგანიზატორებმა.
გამოფენა–გაყიდვა 12:00 საათიდან 19:00 საათამდე იმუშავებს. შესვლა თავისუფალია.
