თბილისი, 27 თებერვალი — Sputnik. ესპანეთის სამეფოს საგარეო და თანამშრომლობის მინისტრი ხოსე მანუელ გარსია-მარგალო (José Manuel García-Margallo) შაბათს სამდღიანი ოფიციალური ვიზიტით საქართველოს ეწვევა, აღნიშნულია საქართველოს საგარეო საქმეთა სამინისტროს პრესსამსახურის განცხადებაში.
პრესსამსახურის ინფორმაციით, ესპანეთის სამეფოს საგარეო და თანამშრომლობის მინისტრი ვიზიტის ფარგლებში შეხვდება საქართველოს პრეზიდენტს გიორგი მარგველაშვილს, პრემიერ-მინისტრს გიორგი კვირიკაშვილს, პარლამენტის თავმჯდომარეს დავით უსუფაშვილსა და საგარეო საქმეთა მინისტრს მიხეილ ჯანელიძეს.
ასევე, ხოსე მანუელ გარსია-მარგალო საქართველოს კათოლიკოს პატრიარქს ილია II–ს შეხვდება.
ესპანეთის საგარეო უწყების ხელმძღვანელი საქართველოს 29 თებერვალს დატოვებს.
