თბილისი 26 თებერვალი — Sputnik. ტელევიზიის შენობაში ბომბის არსებობის შესაძლებლობის გამო, ქალაქ ბათუმში არსებული ტელეკომპანია „25“-ის მუშაობა დროებით პარალიზებულია, იუწყება რადიოსადგური „პირველი რადიო“.
ტელევიზიის შენობაში ბომბის არსებობის შესახებ შეტყობინება საქართველოს შსს-ს გადაუდებელი დახმარების მართვის „112“-ის ცენტრში შევიდა, რის შემდეგაც ტელეარხის თანამშრომელთა ევაკუაცია გამოცხადდა. ადგილზე ექსპერტ-კრიმინალისტები მუშაობენ. მომხდარის გამო 17:00-იანი საინფორმაციო გამოშვება ვერ გავიდა ეთერში, იუწყება რადიოსადგური „პირველი რადიო“.
