თბილისი, 15 თებერვალი — Sputnik.თბილისის საგამოფენო ცენტრში Expo-Georgia 18-19 თებერვალს განათლებისა და კარიერის მეექვსე საერთაშორისო გამოფენა გაიმართება International Education Fair 2016, იტყობინება ExpoGeorgia.
ღონისძიებაში მონაწილეობას მიირებენ მსოფლიოს 14 ქვეყნის 100-ზე მეტი უნივერსიტეტი და საერთაშორისო საგანმანათლებლო ცენტრი. გამოფენის ორგანიზატორი ტრადიციულად ExpoGeorgia რჩება.
„წელს გამოფენა ყველაზე მრავალფეროვანი იქნება მასში მონაწილეთა რაოდენობით და საგამოფენოი ცენტრის 4 პავილიონში იქნება გაშლილი. მნახველებს საშუალება ექნებათ ამომწურავი ინფორმაცია მიიღონ ბაკალავრიატის, მაგისტრატურისა და დოქტორანტურის პროგრამებზე, რომელიც საქართველოში და მსოფლიოში არსებობს. ასევე გაცვლით პროგრამებზე, სტიპენდიის მიღების შესაძლებლობაზე, გრანტებზე და სწავლების დაფინანსებაზე“, — განაცხადეს ორგანიზატორებმა.
გამოფენის სტუმრებს საშუალება ექნებათ თავად შეხვდნენ უნივერსიტეტებისა და ორგანიზაციების წარმომადგენლებს და მიიღონ პასუხები მათთვის საინტერესო კითხვებზე, აიღონ სრული ინფორმაცია და მიიღონ გადაწყვეტილება სწავლის გაგრძელებასთან დაკავშირებით.
ღონისძიებაში მონაწილეობენ: საქართველო, აშშ, დიდი ბრიტანეთი, გერმანია, საფრანგეთი, ჩეხეთი, ესტონეთი, ლატვია, ლიტვა, პოლონეტი, ჰოლანდია, თურქეთი, ჩინეთი და უნგრეთი.
2015 წელს საგამოფენო სტენდებზე წარმოდგენილი იყო 94 საგანმანათლებლო ორგანიზაცია — უნუვერსიტეტები, კოლეჯები და უმაღლესი სკოლები მსოფლიოს 12 ქვეყნიდან.
