თბილისი, 15 თებერვალი — Sputnik. მიუხედავად იმისა, რომ სიყვარულის კლასიკური განსაზღვრება პლანეტის არცერთ სახელმძღვანელოში არ მოიძებნება, გამოკითხულთა უმრავლესობა გამოტყდა, რომ მათ განცდილი აქვთ ეს გრძნობა — ნამდვილი სიყვარული.
Sputnik–ის მკითხველთა 62,1%-ს გულწრფელად სჯერა, რომ „ნამდვილი სიყვარული“ არსებობს და ირჩევენ პასუხს „კი, მე ახლაც შეყვარებული ვარ“.
12.6%-მა აღნიშნა, რომ სიყვარულის სჯერათ, თუმცა ჯერ არ ჰყვარებიათ, ხოლო 6,3% გამოტყდა, რომ კი სჯერათ, მაგრამ არ უმართლებთ.
Sputnik–ის მკითხველთა 11,6%-ს კატეგორიულად არ სჯერა „ნამდვილი სიყვარულის“ არსებობის და მიაჩნიათ, რომ „ეს ყველაფერი ტყუილია“.
შეკითხვაზე პასუხის გაცემა გაუჭირდა 7,4%-ს, რომლებიც გამოტყდნენ, რომ ეს გრძნობა ჯერ არ განუცდიათ.
