თბილისი, 8 თებერვალი — Sputnik. ინდონეზიის დასავლეთ სუმატრას პროვინციაში წყალდიდობისა და მეწყერის გამო ხუთი ადამიანი დაიღუპა, დაახლოებით ოთხი ათასი — უსახლკაროდ დარჩა.
როგორც საინფორმაციო სააგენტო „რია ნოვოსტი“ სააგენტო „სინხუაზე“ დაყრდნობით იუწყება, კიდევ ორი ადამიანი უგზო-უკვლოდ დაკარგულად ითვლება.
სტიქიასთან ბრძოლის სააგენტო იუწყება, რომ გადაუღებელი წვიმის გამო, რომელიც რამდენიმე დღე გაგრძელდა, ადგილობრივი მდინარეები ადიდდა და პროვინციის რამდენიმე რაიონი დატბორა.
