თბილისი, 6 თებერვალი — Sputnik. ორი პატარა თვითმფრინავი შეეჯახა ერთმანეთს ჰაერში ლოს-ანჯელესის ყურეს მახლობლად ოკეანის თავზე და წყალში ჩავარდა. ამ დროისათვის ინფორმაცია გადარჩენილებზე არ არის, იტყობინება საინფორმაციო სააგენტო „რია ნოვოსტი“ სააგენტო „ასოშეიტედ პრეს“-ზე დაყრდნობით.
აშშ-ს სანაპირო დაცვის სამსახურის ინფორმაციით, შეჯახება 15:30 საათზე მოხდა ადგილობრივი დროით.
როგორც ტელეარხი FOX Los Angeles იტყობინება, თვითმფრინავების ბორტზე ორი მამაკაცი და ერთი ქალი იმყოფებოდა.
შემთხვევის ადგილზე საძიებო-სამაშველო ოპერაცია მიმდინარეობს. მუშაობენ მყვინტავები და მეხანძრეები. ლოს-ანჯელესის პორტში შესასვლელი ტრანსპორტისათვის დაკეტილია.
