თბილისი, 6 თებერვალი — Sputnik. საქართველოს შინაგან საქმეთა სამინისტროს საექსპერტო-კრიმინალისტიკური დეპარტამენტის თანამშრომლებს ამერიკელმა ექსპერტებმა ტრენინგი ჩაუტარეს, იტყობინება შსს-ს პრესსამსახური.
ტრენინგი აშშ-ს სახელმწიფო ანტინარკოტიკული და სამართალდამცავ ორგანოებთან ურთიერთობების საერთაშორისო ბიუროს (INL) ოფისის ორგანიზებით, ჯორჯიის შტატის გამოძიების ბიუროს (GBI) ექსპერტებმა ჩაატარეს.
სწავლება თემაზე "შემთხვევის ადგილის გამოძიება" პრაქტიკულ და თეორიულ მეცადინეობებს მოიცავდა. ტრენინგის მიზანი იყო მსმენელებისთვის დანაშაულის ადგილის დათვალიერების სხვადასხვა მეთოდის გაცნობა: დოკუმენტირება, ჩანაწერების წარმოება, ნახაზის აგება, ფოტოგადაღება და სხვა.
5 დღიან სწავლებაში შსს-ს საექსპერტო-კრიმინალისტიკური დეპარტამენტის თბილისის და რეგიონული დანაყოფების 20 ექსპერტ-კრიმინალისტი მონაწილეობდა.
