თბილისი, 1 თებერვალი — Sputnik. უახლოეს დღეებში საქართველოს ტერიტორიაზე ცვალებადი ამინდია მოსალოდნელი, თუმცა სინოპტიკოსები ჰაერის ტემპერატურის აწევას გვპირდებიან, — ნათქვამია გარემოს ეროვნული სააგენტოს განცხადებაში.
ორშაბათს თბილი და მშრალი ამინდი შენარჩუნდება. სამშაბათს ქვეყნის უმეტეს რაიონებში მოსალოდნელია წვიმა, მთებში — თოვლი, მაღალ მთებში მოსალოდნელია ქარბუქი და დასავლეთის ძლიერი ქარი. ჰაერის ტემპერატურა 4-9 გრადუსი იქნება.
ოთხშაბათიდან შაბათამდე ამინდი კიდევ უფრო გაუმჯობესდება და ჰაერი პლუს 13-18 გრადუსამდე გათბება, უნალექოდ.
შაბათიდან მოსალოდნელია წვიმები, მთებში თოვლი. კვირიდან კი ამინდი კვლავ გამოვა.
