თბილისი, 31 იანვარი — Sputnik. საქართველოს პოლიციამ სომხეთთან საზღვარზე თურქეთის მოქალაქე დააკავა, რომელიც ინტერპოლით თურქეთის ხელისუფლების მიერ არასრულწლოვანზე სექსუალური ძალადობის გამო იძებნება, აღნიშნულია საქართველოს შსს-ს განცხადებაში.
განცხადებაში ნათქვამია, რომ თურქეთის ძებნილი მოქალაქე საქართველოდან სომხეთში გასვლას „სადახლოს“ გამშვები პუნქტით ცდილობდა.
ძებნილი მარნეულის რაიონის საგამოძიებო იზოლატორში მოათავსეს. დაკავებულის მიმართ წინასაექსტრადიციო პროცედურები ტარდება.
