თბილისი, 29 იანვარი — Sputnik. 28-29 იანვრის ღამით სამეგრელოში, ზუგდიდის რაიონში ავტოსაგზაო შემთხვევა მოხდა, რის შედეგადაც ხუთი ადამიანი დაიღუპა, ხოლო ექვსი — დაშავდა, იუწყება ტელეკომპანია „რუსთავი 2“.
ტელეკომპანიის ინფორმაციით, დაშავებულები ზუგდიდისა და თბილისის კლინიკებში გადაიყვანეს. სამი პაციენტის მდგომარეობა სტაბილურია, დანარჩენების — მძიმე. ავტოსაგზაო შემთხვევის მიზეზებს იკვლევენ.
ავტოკატასტროფის მიზეზი და სხვა დეტალები ჯერჯერობით უცნობია. საქმესთან დაკავშირებით მიმდინარეობს გამოძიება.
