თბილისი, 29 იანვარი — Sputnik. ვირუს H1N1–ის გავრცელების გამო საქართველოში კიდევ 15 სკოლაში შეჩერდა სასწავლო პროცესი. ახლა ქვეყანაში 282 სკოლაა დახურული, — იუწყება საინფორმაციო სააგენტო „ნოვოსტი გრუზია“, საქართველოს განათლებისა და მეცნიერების სამინისტროზე დაყრდნობით.
დახურულ სკოლებში მიმდინარეობს სადეზინფექციო სამუშაოები.
2016 წლის დასაწყისიდან ვირუს H1N1–ის, ეგრეთ წოდებული ღორის გრიპის გართულების გამო ხუთი ადამიანი გარდაიცვალა, ხოლო H3N2–ით — ერთი.
ამ დროისათვის ექიმები საგანგებო რეჟიმში მუშაობენ. გამოყოფილია სამედიცინო ცენტრები, რომლებიც 24 საათის განმავლობაში ემსახურებიან პაციენტებს.
საქართველოსთვის ეპიდემიოლოგიური ზღვარი — ეს ათას კაცზე 500 შემთხვევაა. ამ დროისათვის ქვეყანაში ვირუსით დასნებოვნებულია ყოველ 100 ათას კაცზე 332 ადამიანი. ვირუსის პიკი, ექიმების თქმით, თებერვალში დადგება.
