თბილისი, 24 იანვარი — Sputnik. საქართველოს რაგბის კავშირს დღეიდან ახალი პრეზიდენტი ჰყავს — გოჩა სვანიძე, რომელიც მანამდე რაგბის კავშირის მმართველობის თავმჯდომარე გახლდათ.
არჩევნები დღეს, 24 იანვარს გაიმართა. სვანიძის გარდა კავშირის პრეზიდენტობაზე კენჭს საქართველოს ნაკრების ყოფილი წევრი, ილია ზედგენიძეც იყრიდა.
გოჩა სვანიძემ 35 ხმა მიიღო 32–ის წინააღმდეგ და საქართველოს რაგბის კავშირის პრეზიდენტი გახდა ოთხი წლით.
მანამდე არჩევნებიდან საკუთარი კანდიდატურა მოხსნა კიდევ ორმა სხვა პრეტენდენტმა — რაგბის კავშირის ყოფილმა პრეზიდენტმა გიორგი ნიჟარაძემ და ნაკრების ყოფილმა კაპიტანმა ირაკლი აბუსერიძემ.