თბილისი, 19 იანვარი – Sputnik. თბილისის საერთაშორისო აეროპორტში შსს-ს წარმომადგენლებმა „კანონიერი“ ქურდობის ბრალდებით მამაკაცი დააკავეს.
სამართალდამცველებმა 1970 წელს დაბადებული, წარსულში განზრახ მკვლელობისთვის ნასამართლევი ვალიკო მ. დააკავეს, — ნათქვამია საქართველოს შსს-ს პრესსამსახურის მიერ გავრცელებულ ინფორმაციაში.
გამოძიებამ დაადგინა, რომ ვალიკო მ. ქურდულ სამყაროში აღიარებულია კანონიერ ქურდად. დაკავებული კანონიერ ქურდობას აღიარებს.
გამოძიება კანონიერი ქურდობის ბრალდებით მიმდინარეობს (საქართველოს სსკ-ის 223-ე პრიმა მუხლის მე-2 ნაწილით).
