თბილისი, 16 იანვარი — Sputnik. საქართველოს პოლიციის თანამშრომლებმა თბილისში მცხოვრები ვასილ ა.-ს ბინის ჩხრეკისას ტანკსაწინააღმდეგო ხელის ყუმბარმტყორცნი, ორი ავტომატი და საბრძოლო ვაზნები აღმოაჩინეს, იუწყება შსს-ს პრესსამსახური.
კერძოდ, საცხოვრებელი სახლის ჩხრეკისას ამოღებულია "ა-კა-ეს"-ის მოდელის არარეგისტრირებული ავტომატური ცეცხლსასროლი იარაღი, "ა-კა-ემ"-ის მოდელის არარეგისტრირებული ავტომატური ცეცხლსასროლი იარაღი, "ერ-პე-გე-18"-ის ტიპის ტანკსაწინააღმდეგო ხელის ყუმბარმტყორცნი და 176 საბრძოლო ვაზნა.
აღნიშნული დანაშაული ოთხ წლამდე თავისუფლების აღკვეთას ითვალისწინებს.
საქართველოს შსს, გამოძიების ინტერესებიდან გამომდინარე, საქმის დეტალებს არ აზუსტებს. დაკავებულმა ჩადენილი დანაშაული აღიარა.
