თბილისი, 29 დეკემბერი — Sputnik. დიდთოვლობისა და ზვავსაშიშროების გამო, 31 დეკემბერსა და 1 იანვარს, საქართველოს სამხედრო გზის ფასანაური-კობის, სტეფანწმინდა-ლარსისა და სხვა მონაკვეთებზე ტრანსპორტის მოძრაობა, შესაძლოა, შეიზღუდოს, — იუწყება საქართველოს გარემოს დაცვის ეროვნული სააგენტო.
სააგენტოს ინფორმაციით, გარდა ამისა, 30 დეკემბერს ამინდის გაუარესებამ შესაძლოა 3–5 ბალიანი ქარიშხალი გამოიწვიოს შავ ზღვაზეც. მთიან და მაღალმთიან რეგიონებში ძლიერი დიდთოვლობა, ქარბუქი და ზვავებია მოსალოდნელი.
